LOEk, Eusko Jaurlaritzaren 175/2007 Dekretuak, oinarrizko hezkuntzaren curriculuma sortu eta Euskal Autonomia Erkidegoan ezartzen duenak (34.1. artikulua) eta 2008ko uztailaren 7ko Agindua, oinarrizko hezkuntzan ikasleen ebaluazioa arautzen duena (20. artilukua), adierazten dute:
• Lehen Hezkuntzan, Ikasleak hurrengo hezkuntza‐ziklora igaroko dira ikasi ez dituztenak gorabehera, horrek ez badu eragozten hurrengo zikloari behar bezalako probetxua ateratzea. Hurrengo ziklora igaroko dira, halaber, bermatzen bada laguntza emango zaiola ikasleari, aurreko hezkuntza‐etapan ikasi gabekoak ikas ditzan. Gora egin ezean, oinarrizko gaitasunak indartzeko edo berreskuratzeko berariazko plan batez lagundu beharko zaie.
• Derrigorrezko Bigarren Hezkuntzari dagokionez, “irakasgai guztiak gainditu gabe hurrengo ikasturtera igarotzen direnek heziketa‐prozesua indartzeko irakasle‐taldeak ezarriko duen programa egin beharko dute (ikasi gabekoa ikastea izango da programa horren helburua)”. Gora egin ezean, “neurri horiek hartuta, berariazko plan bat egin beharko da ikasle bakoitzarentzat, aurreko ikasturtean hautemandako zailtasunak gainditzera bideratua”.
Hezkuntza Sailak ikastetxe publikoetan 12/13 ikasturtea antolatzeko ebazpenetan (2.3 atalean)zehazten duenez, “Ikastetxe bakoitzak ezarri beharko du bertako Hezkuntzako errefortzuko plana, eta bertan jasoko dira ikasleen laguntza-premiak asetzeko egokien ikusten diren ekintza eta estrategiak (…) Errefortzu-plan horrek Aniztasunari arreta emateko planean sartuta egon beharko du”